مفتاح كنز لو عاوزه ادخل

لو قدامك كنز كبيير قوى مش تقدر تعد اللى فيه ولا تقدر توصفه ومفتاحه تقدر تملكه وتقدر تضيعه تعمل ايه يا ترى تسيبه ولا تمسك فيه وتحطه فى عينك ؟ يتهيقلى اننا كلنا بنحلم بكنوز تكون لينا للابد لينا وحدنا وبس طيب جميل قوى تحب اديك المفتاح ده هديه ؟ طبعا هتقول هى مجنونه ولا ايه حد يسيب كنز لغيره ويديه مفتاحه ؟ بس اللى انت مش تعرفه انك كل ما تدى المفتاح ده لحد بتاخد قده ويمكن اكتر ؟ هنقول ايه الكنز الغريب ده .؟هو حاجه سهله قوى انك يدوب تقول : لا اله الا الله محمد رسول الله .هى مفتاح الجنه كلنا بنستهون بالكلمه دى مع انها بتتهزلها جبال وبتغير حياتنا فى الدنيا وبتغير طريق النار فى الاخره وتحوله للجنه وتكون لينا حجه قدام ربنا يوم القيامه .بس المشكله ان كلنا بنسبها عشان حاجات تافهه -الدنيا- بالعقل كده مش نبقى مجانين .الرسول صلى الله عليه وسلم قال :كلكم يدخل الجنه الا من ابى فتعجب الصحابه بقى فيه حد يرفض الجنه !فقال لهم من اطاعنى دخل الجنه ومن عصانى فقد ابى . وفى النهايه ياريت مش ننسى كلام الرسول صلى الله عليه وسلم لما قال : انى تركت فيكم ما ان تمسكتم به لن تضلوا بعدى ابدا :كتاب الله وسنتى فياريت نقول لا اله الا الله محمد رسول الله صلى الله عليه وسلم من قلوبنا .

أختى المرأة الحديديه هذا اكثر كنز ربنا بعتهولى بجد أنا ندمانه أوى على كل ثانيه عدت من حياتى من غير ما أذكر فيها أسم الله بجد حقيقى إتباع سنه نبينا محمد أفضل بكثير من أى شئ ربنا يهدينا ويغفر لنا ذنوبنا ويجعلنا فى الجنه أجمعين

امين يا رب احنا وانت وكل المسلمين