انتخابات بلدنا

الانتخابات فى مصر :
دوقتى انا محتاره بجد لو بقيت مع الحزب الوطنى يبقى ان شاء الله الجزء اللى هيتبقى من مصر هينباع الدوره دى ومصر هيتغير اسمها من مصر الى بلد المستثمرين .
ولو بقيت مع الاخوان المسلمين صحيح هنطبق دينا بس بصعوبه مع ان الدين يسر .
يعنى لو الحزب الوطنى كسب هنخسر بلدنا ولو الاخوان كسبوا هيكرهونا فى عيشتنا هيقولوا لا عمل للمراه وهيقولوا النقاب للمراه والرجل يكون ليه لحيه وهيشددوا على كل حاجه طاب دوقتى ننتخب مين .
ولو قلنا مننتخبش وميكونش لينا راى بازمه ده ينفع .

عندك حق اختى المرأة الحديديه حاجة تحير فعلا واللى ممكن تكونى مش عرفتى بيه ان حصل فى منطقتى فى شبرا احداث شغب وبلطجة من طرف الحكومه والمخبرين بسبب كدة وبعض البلطجيه لدرجة ان والله انا شفت واحد حسبى الله ونعم الوكيل فيه بجد ما سك واحد وبيضربه بالسيف لحد ما نزف وشفت منظر الدم وهو نازل منه حسيت بخوف ورعب محدش شافه دة غير الاسلحة البيضاء اللى معاهم وحصل فوضى جامدة اوى ومفيش حد خرج من بيته يومها وبابا مش كان راضى اروح الدرس واتحايلت عليه وقالى خلاص انا جاى معاكى كان يومين صعبين اوى والحمد لله اننا عدينا منها على خير وانا بدعى ان ربنا ينشر بينا السلام وينصر ديننا