ممكن نعرف بعض اكتر

ممكن نعرف عن بعض اكتر احنا بقالنا فتره طويله فى المنتدى نعرف بعض اسما بس ومن خلال مواضعنا لكن انا حبيت انى اتكلم معاكوا عن نفسى :انا المراه الحديديه فى كلية الاداب قسم لغه انجليزيه بالنسبه للشكل عاديه جدا واللى يشوفنى يقول انى فى 1ثانوى بالنسبه للطبع مجنونه جداجدا جدا جدا وانا دوقتى وصلت لمرحله متقدمه من الجنان وهى انى بكلم نفسى فقلت اتكلم معاكوا احسن انا متقلبه الاحوال بعشق الضحك والروشه فى ناس بتقول عليا انى ذكيه جدا وناس بتقول انى غريبه ومجهوله مع انى شايفه غير كده وعيوبى انى حساسه وصريحه ومخلصه ودى عيوب جامده فى الزمن ده انا بعشق الطبيعه وبحب اللون الاخضر واللبنى زى البحر وجنبه الخضره وبحب الموف من غير سبب وعلى فكره انا حطمت الرقم القياسى فى المشاكل وانا من الناس اللى ممكن تحل مشكلة اى حد بس مشاكلها لاء حتى ولو عاديه انا معظم مشاكلى سببها الاحساس والنقد انا بحب السياسه وحرية الراى وبحب السفر وفى نفس الوقت بحب الاستقرار انا جريئه جدا وخجوله حبتين طبعا هتقولوا واحنا مالنا بكل ده سامحونى انى طولت عليكم بس كان لازم اتكلم مع حد فى اى حاجه عنى لانى اتخنقت من الاجازه والبيت ونفسى اتكلم مع حد عشان متجننش

انا عارف انى لسه نيو يوسر يعنى الكلام مش ليا بس حابب اوصلكم انا محاسب ف مجلس مدينة دمنهور يعنى الحياة روتينيه جدا وممله ومهما اطلع من البلد دى ببقا نفسى ارجعلها صحابى مليين عليا الدنيا على وش جواز للاسف ومش هطول عليكم

اهلا بيك فى منتداك بنات دمنهور اللى بيرحب بكل الناس وبجد الكلام ده لكل اللى عايز يفضفض وشكرا جدا ليك انك رديت وعموما ربنا معاك ويارب يوفقك فى عملك وفى الجواز وشكرا ليك مره تانيه وباذن الله هيعجبك المنتدى

على فكره انا اكتر لون بحبه السماوى والفضى برده بس مش لسه شغنتوته على الحديديه دى وبعدين عايز اخد كورس انجلش بس انا مضايق بجد لان جو رمضان قل عن كل سنه والشوارع مافيهاش زينه مش حاسس بلزته زى كل سنه صح؟

شكرا على ردك بس ان الانسان يتوصف بالحديدى دى مش محتاجه سن دى بالحاجات اللى مر بيها الانسان وعلى فكره كل اصحابى اختاروا ليا الاسم ده وشافوه لايق عليا وكمان بيفكرنى بنجلاء فتحى وانا بحبها جامد ولان فيلم المراه الحديديه فيه رغبة الانتقام ودى حاجه بموت فيها وبالنسبه للانجليزى شكلك بتفهم فيه اكتر منى وعموما انا على قدى وكل اللى اعرفه هكتبه وبالنسبه لرمضان عندك حق لان فعلا الناس اتغيرت وبعدت عن ربنا بس انا عندى سؤال انت موظف ولا محاسب

انا وظفتى محاسب(عمل ادارى) رغبة انتقام دا الموضوع بجد؟المسامح كريم بقا وانتى قلتى انك بتحبى اللون السماوى يعنى رقيقه وحنينه ومتخوفنيش منك الله يخليكى فيه حد يموت ف رغبة الانتقام برده الموضوع دا عايز برايفت ؟ كل سنه وانتى طيبه

الناس ممكن تجمع بين اكتر من صفه مختلفه طالما هى منطقيه يعنى مثلا ممكن تكون طيب قوى بس لما بتغضب بتكون وحش قوى وميرسى على وصفك ليا بس بجد الانتقام مش حاجه وحشه وخصوصا لو بتحب كرامتك وحد كدب عليها وقال عليك صفه مش فيك وعموما كل سنه وانت طيب ويتقبل الله منك صومك

انا بجد انكم بتقدروا تحكوا اللى جواكوا مهما كان

مش عيب انك تغيرى على اصحابك يا شــوشــو بس اوعى تغيرى على جوزك من اصحابه واخواته عشان هتبقى صعبة قوى وبعدين هيبقى دلع شوشو ايه يعنى شوقيه ولا شفيقه اكيد يا شيماء يا شيرين صح كل سنه وانتى طيبه يا شوشو وفينك يا امرأه يا حديديه ؟ مردتيش عليا ف الكورس

انا ملقتش لحضرتك سؤال ارد عليه

Im Sorry My EngliSh Is SomeTHing Bad So0oo!?do u really wanna know what i was asking u? i sent u amassge And U didn't replay?im asked u 4 abrivate time>>>>>DoN't care forget this thing im sorry ....just forget

: I dont know realy what you ask me only i have some thoughts .And why you said sorry for me although you dont make mistake I want you replay and explain as my mind is very small thanks for you bayyyyyy.

i wanna know u more &more i try to make it easier to become friends not just friend but close friends and u don't let me do this just give me the chance ok?i wanna tell u things about me but i can't do it in public plz tell me how to get abrivte time with u?ok?have anice time sis

you can send what you want .i accept to be close frinds.

انا بقي ايمان
مدرسه مع اني ب تجاره
بس يالا هي الدنيا كدا مهو يا كدا
يا مفيش شغل خالص
وانابكره قاعده البيت
بحب اكون علي طول مشغوله
المهم انا فرحي في العيد
وكنت بدور علي بنات من دمنهور عشان
يساعدوني ويقولولي علي احلي كوافير
ودا ال خلاني ادخل المنتدي دا
بس بصراحه عجبني ونفسي اشارك في فيه
بس انا مش عارفه اضيف اي مواضيع جديده
كل مدخل يبقي
الموضوع مغلق











نسيت اقولكم ان عيد ميلادي النهارده
عايزه اتفرج علي احلي عيد ميلاد
وكل سنه وتنكم طيبين رمضان كريم

أهلا بيكى أ/ إيمان
ألف مبروك وكل سنه وانتى طيبه وعقبال مليون سنه
بالنسبه للكوافير أعرض عليكى يا إما *وجه القمر* أو *ماجيك تاتش* وكوافير *دودى استار* غير كدة مش عارفه بصراحة باقى اسامى الكوافيرات لانى مش بروح كوافير اصلاد
ومبروك ليكى مرة تانيه

المدير العام بحر القلوب الحائره
شكرا لكم علي الاهتمام
والرد عليا وميرسي جدا علي الاحتفال الرائع دا
اتبسط كتييييييييير لما فتحت ولقيته



اما بالنسبه لكوافير دودي استار انا مش عارفه هو فين ولا ايه نظامه انا كنت متفقه مغع مسيو سعيد بس كتير
خوفوني منه

مش فلط انك تفضفضى بس الغلط انك تكتمى انا عضو جديد فى المنتدى وارحب بصديقتك وكلامك